എല്ലാ യാത്രകൾക്ക് ശേഷവും അവസാനിക്കുന്നത് മനോഹരമായ ഓർമ്മകളാണ്. നിങ്ങൾ, നിറങ്ങൾ, ചിറകുകൾ എല്ലാമൊരു മധുരസ്വപ്നം പോലെ ഭംഗിയുള്ളത്.

എന്താണ് സ്നേഹം? നിനക്ക് വേദനിക്കുമ്പോളെല്ലാം എനിക്കും വേദനിക്കുന്നത്.

ഹൃദയത്തിൽ വഴിയമ്പലങ്ങൾ കണക്കെ ഇടങ്ങൾ ഉണ്ടായിരിക്കണം. കോരിച്ചൊരിയുന്ന മഴയത്ത് ഓടിക്കയറാനും ഒരു പുലരിയിൽ വിട പറയാതെ യാത്ര തുടങ്ങാനും സാധിക്കുന്ന മനോഹരയിടങ്ങൾ.

പ്രകാശത്തിന്റെ പകലിൽ മഞ്ഞവെളിച്ചങ്ങളുടെ ഇരുട്ടിൽ ഓർമ്മകളുടെ പെയ്ത്തിൽ നിശ്വാസങ്ങളുടെ ഇടന്നേരങ്ങളിൽ

നക്ഷത്രങ്ങൾ നിങ്ങൾ ഇരുട്ടിൽ ഞാൻ വഴികാട്ടിയാലുമെന്നെ.

ഒരു നിമിഷാർദ്രം കൊണ്ട് സ്മൃതിപഥത്തിൽ നീയുണർന്നു. നമുക്കൊരു ആൾരൂപം നിൻ്റെയുള്ളിലുണ്ടെന്നുള്ള സത്യം ശിശിരകാലം പോലെയെന്നിൽ തണ്ണുപ്പ് നിറക്കുന്നു.

മടങ്ങിവരവെന്നുള്ള പദം നിന്നോളം മനോഹരമാകുന്നത് നീ മടങ്ങി വരുന്നുവെന്ന് ഓർക്കുമ്പോളാണ്.

എന്നെക്കുറിച്ച് ഏറ്റവുമടുത്തൊരു സുഹൃത്തിന്റെ നിരീക്ഷണം ഇങ്ങനെയാണ്. കുറച്ച് പുസ്തകങ്ങളൊക്കെ വായിക്കും, അതിന്റേതായ കുറച്ച് കുഴപ്പങ്ങളുണ്ട്.

എന്റെ കവിതകളിൽ ഉപ്പുണ്ട്. എനിക്ക് വേണ്ടി അധ്വാനിച്ച എല്ലാ മനുഷ്യരുടെയും കണ്ണീരിന്റെയും വിയർപ്പിന്റെയും സ്നേഹത്തിന്റെ ഉപ്പുരസം.